অসম আমাৰ ৰূপহী । Axom amar rupohi

অসম আমাৰ ৰূপহী, গুণৰো নাই শেষ
ভাৰতৰে পূৰ্ব দিশৰ সূৰ্য্য উঠা দেশ
গোটেই জীৱন বিচাৰিলেও
         অলেখ দিৱস ৰাতি
অসম দেশৰ দৰে নেপাওঁ
        ইমান ৰসাল মাটি।

চিৰ বিনন্দীয়া তোমাৰ সেউজ পৰিবেশ
ভাৰতৰে পূৰ্ব দিশৰ সূৰ্য্য উঠা দেশ।

ব’হাগতে আমাৰ আই
          মহুৰা হৈ ঘূৰে
মাঘত সোণৰ হাতেৰে
         লখিমী আদৰে।
শৰত্‌ নিশাই তৰাৰে সজায় আইৰে কেশ
ভাৰতৰে পূৰ্ব দিশৰ সূৰ্য্য উঠা দেশ।

পাহাৰ ভৈয়াম একে কৰা ৰামধনুৰেই দৰে
তোমাৰ ভাষাৰ মৰমবোৰে মিলন সেঁতু গঢ়ে
লৌহিত্যৰে বহল পাৰক প্ৰণিপাত কৰোঁ
জন্ম ল’লোঁ ইয়াতেই, ইয়াতেই যেন মৰোঁ

পাম ক’ত এনে মধুৰ ৰূপৰ সমাবেশ
ভাৰতৰে পূৰ্ব দিশৰ সূৰ্য্য উঠা দেশ।

2. সময়ৰ অগ্ৰগতি । xomoyor agragoti – Dr. Bhupen Hazarika

3. জোনাকৰে ৰাতি । Jonakore rati