1. আজি মন্দিৰ-দুৱাৰ খোলা!
বহে মিলন উত্সৱ মেলা।
শুনো মঙ্গল আৰতি গান
নাচি উঠে ভকতৰে প্ৰাণ।
হ’ল যে পূজাৰ বেলা।
মন্দিৰ দুৱাৰ খোলা।
স্বাগত নৱাগত অতিথি
হিয়াৰ ফুমাল আসন থৈছো পাতি।
পুষ্পিত মন্দিৰ কানন বীথি
ফুলনিত তলসৰা
তুলি ফুল মনোহৰা
গাঁঠীলো উলাহে মালা।
হ’ল যে পূজাৰে বেলা।
মন্দিৰ দুৱাৰ খোলা।

2. নিমাতী কইনা । Nimati koina

নিমাতী কইনা অ’ নিমাতী কইনা
চকুত তোমাৰ হাঁহি
ওঁঠত মাথোন বাণী বিহীন
তুমি বাণী বিহীনা
ফাগুণ সমীৰে কেশ উৰুৱালে
চকুত জিলিক চৰে
মন তোমাৰ উৰে ক’ৰবালে
উৰে ক’ৰবালে
নেমুটেঙাৰ ফুলৰ বাচে
পৰাণ ওপচালে
চকু তোমাৰ সুদূৰ ধিয়াই নাচে
সুদূৰ ধিয়াই নাচে
শাওণত যেবে মেঘে গুৰু গুৰু কৰে
আৱেগে হিয়া উঠলে
নীৰৱ ভাষা চকুৰে নিজৰি পৰে
চকুৰে নিজৰি পৰে
তোমাৰ চকুৰ নীৰৱ ভাষা
বেথাৰে উৱলি পৰা
তাতেই গঁথা মোৰ শত আশা
মোৰ শত আশা।