1. बिफांनि दालाइयाव । Bifangni dalayao-Soneswar Boro

बिफांनि दालाइयाव
गां बुब्राब बुब्राब
फानफेवालि दाउवा
गाबबाय बायदों लै
हनै गाबबाय बायदों
हनै जामफै बारनायनि नाब्ले सिख्लायाबो
उवाल गाइहेनजोंनो दाख्रायबायदों।

आगैया लेखा रोङा रोङा हाबा रोङा
आगर रोङा रोङा दानो रोङा
दानो रोङा हनै
जामफै बारनायनि नाब्ले सिखोलाया।

बिमा-बिफाजोंबो सैजाथारा आगैया
बिदा फंबायजोंबो सैया सैया
अखा नायबोलानो गोसोआ उरां फारां
उरां फारां हनै
जामफै बारनायनि नाब्ले सिखोलाया।

2. ओइ थगाइसुलि । Aoi thogaisuli

ओइ थगायसुलि नों बारसे बिबार
रैरुब गोर्बोनि अननाय होनानै
समनि फाख’नाव गोमा लांबाय नों
आंनि बिखाखौ सिंखावनानै।

रोमै-रोमै जुजायनि अर
आंनि गोर्बोआव
मिनि बाला बाला मानो
नोंनि गोसोआव
मिथिस’ हायै गोसोआ नोंनि
अन्थाय बिखा नों गोसो बिबार
आंखौ नों थगाय मारबाय।

दानसोरां अखाफोरनि
निजोम हराव
आलो आलो अननायजों
बुंदोंमोन नों आंखौ जिउनि जुलि
मोदाइ जिउनि
नाथाइ दिनै सिमां जानानै
हरनि बिखायाव गोमा लांबाय
आंनि लोर्बां गोसोआवबो फेलें जाबाय।

3. दे रंजा आगै । De rongja agwi

दे रंजा आगै
दे मोसा
रंजालि सिखोला
गोदान बोथोरनि बैसागु सम दिनै
सानैजों हाइला हुइला।

रंजागोन दे आदा
मोसागोन दे
रंजालु सेंगोरा मिनि हारा

आदा रंजालुजों रंजानानै
आदा रंजालुजों मोसानानै
बैसागो बोथोरखौ
गोदान बोथोरबादि
मोनलाइदों हाय आदा
रंजालु सेंगोरा मिनिहारा।

सइथि नोंमारथारगौ लै आगै
नों बादि सिखोला मोसानायजों
बैसागो गोदान बोथोरजों
बेसे समायदों
दिनै जोंलाय सानैजों।

4. पर्बतझरायाव एबा । Porbatjhorayao eba

पर्बतझरायाव एबा
सिख्ला जागाराव
बंफां गाननो थांबोला
बंफां दाननाय फैसा मोनबोला
सना गहेना बायनानै होफैखा
बावदिया राजा, आंखौ नांगौब्ला।

दे नाजागोन दोर्बि
बिबारि माइनाव
आगर फालि आगर रिखाव
दानानैल’ हरखा आगै
आंखौ गोसोब्ला।

गोसो मोनसेयै जों
रुजु रुमुयै
नों दानागार
आं नागारा
जुलि जानानै जों
बे उजियाव
ग्रें ग्रें राइजो जागोन
बहग फुरियाव।