1. फ्रिंदा फ्रिंदा खाम दामदो । Fringda fringda kham damdw — सनेस्बर बर’ । Soneswar Boro

फ्रिंदा फ्रिंदा खाम दामदो
सोर बबाव दङ ओंखारबोदो
दिनैनि रंजालि गोजोन सानाव
न’ सिङाव हाबनानै मानो थादों
हनै सानजाहा सान जारौवा
जारौ गाब बुथुमना जोंनो लाबोदों।

बिबार बारियाव बिबार बारदों
गोजा गोमो बाइदि सिखिरि बिरदों
रंजालि गोसो जोंनि बोदोर जादों
ओंखार बोदो बयबो ओंखार बोदो
रंजालि फोथाराव नुजाफैदो
साननि सोरांजों जारौ गाब फुननानै
खौसेनि लामाजों ज’ जाफैदो।

थाथों जेसेखि जोंनि लामायाव
सु-जेंना आरो गुवा लैथो
हाजो हाजोमा जेसेखि जेथो
सौसि लांगोन जों बोस्रां लांगोन
गासैबो लामानि हेंथा
गोदान देंखोजों दैथुन दैखांनानै
गोजोननि लामाजों जुथुम फैदो।

2. जाहाराव गुमै । Jaharao gumwi

सिख्ला जाहाराव गुमै
साल दंफां दाननो थांबोला
बंफां दाननाय फैसा मोनबोला
आसान जरा लो बिदां
लाबो दे गुमै लारु बान्दारु।

दे लाबोगोन आगै
बिबोनां गदाय
ना गोरान, बेदर गोरान
थिनानैल’ दोनखा आगै
बिबोनां गदाय।

पर्बतझरायाव लरंफा
बंफां दाननो थांबोला
साल जरा माखु जरा
दाननानै लाबोफा
दे लरं बिफा।

बाख्रि दांगुरनि
खुसिया गोरान साम’ लादाइया
एवफ्रामहैदो माबारै
इसिं खनानिखौ लोंना थांदोनि।

3. हाबाब आदामोन । Habab adamwn

हाबाब आदामोन
सायाराम मायाराम
लबिन सबिननि बारियाव
आय’ बारियाव
हे हे मोसौ मै गांसो जादों

सिलाइआ जान
आदामोन सायाराम मायाराम
मैखो गावदो।
हाबाब आगैमोन
सनाथि रुफाथि
लबिन सबिननि बारियाव
आय’ बारियाव
हे हे मोसौ मै गांसे जादों
आगैमोन सनाथि रुफाथि
हे हे मोसौ मै गावनो थांनि।

जानहां जानहांहैनो
गावहां गावहांहैनो
मैबो गाववा
अमाबो गाववा
अरन गेजेरनि दंफांखौसो
ग्रुम होनजासे गावमारलायबाय।
दावराइआ गाव
आदा सायाराम मायाराम
दावराइआ गाव
दावराइ मासेखौनो
गावनो हायाब्लालाय
मानिथो दब्बा फलान नोंसोर।

हाबाब आगैमोन
गांसो जादों
मैबो गावलिया
अमाबो गावलिया
सनाथि रुफाथि
इसिं खनानि दावज्ला दावखौसो
ग्रेव होनजासे गावमारदोनि।

4. हान्थि लांगोनाव संसारनि । Hanthi Langwnao Songsarni-बर’ मेथाइ

5. फागुन बैसोनि गोसोआ । Fagun bwiswni gwswa

फागुन बैसोनि गोसोआ
आंनि उरां फारां
फागुन बैसोनि गोसोआ
आंनि उरां फारां
बोथोरनि बाउलि बोदोरजों
बेयो उरायहां उरायहां
फागुननि सुमलि बिबार बायदि
बुहुमाव सिरिहां सिरिहां
फागुननि सुमलि बिबार बायदि
बुहुमाव सिरिहां सिरिहां

बार खोलो खोलो बार बायनायजों
आंनि फागिलि खानाया गेमब्रुलाङो
मानिबा थाखाय आं गावखौनो बावगारलाङो
फागुन बैसोनि गोसोआ
आंनि उरां फारां
बोथोरनि बाउलि बोदोरजों
बेयो उरायहां उरायहां
फागुननि सुमलि बिबार बायदि
बुहुमाव सिरिहां सिरिहां

दा गाबहाय सना दाव खखिलिं
बिरदाव बिरदाव अखोराङाव
मानिबा हांमायाव
गोसोआ जायो खाराव माराव
जायख्लं मिजिंफ्रा गोसोखौ
खालामो उसाव बादाव
जायख्लं मिजिंफ्रा गोसोखौ
खालामो उसाव बादाव
फागुन बैसोनि गोसोआ
आंनि उरां फारां
फागुन बैसोनि गोसोआ
आंनि उरां फारां

सुजुगिरि, देंखोगिरि आरो खनगिरिनि मुंखौ मोनथियोब्ला,
अननानै कमेन्ट बक्स (Comment box) आव खिन्था हर