বাৰ মাসে তেৰ ফুল ফোটে । Baro mase tero phool fote – Pratima Barua

যে ঘাটে ভৰিব আৰো জল
সেই ঘাটে কানাইয়া সই
নাযাইও যমুনাৰ জলে।

নন্দেৰ বেটা চিকণ আৰ কালা
কালা দিলেক বিষম জ্বালা সই
নাযাইও যমুনাৰ জলে।

(adsbygoogle = window.adsbygoogle || []).push({});

কদম গাছে হেলানিৰে দিয়া
কালা বাজায় মোহন বাঁশী সই
    নাযাইও যমুনাৰ জলে।

পদেৰ উপৰ পদ আৰো থুইয়া
ৰাধা গাঁধে ফুলেৰ মালা সই
নাযাইও যমুনাৰ জলে।
তোমাৰা নাযাইও নাযাইও সইহে
    ঐ না যমুনাৰ জলে।

ওপাৰে কামৰাঙ্গা গাছ ঝিকিমিকি কৰে পাত
ঐ টা হইল মোৰ বাপো মায়েৰ দেশ
মোৰ জান কালা ৰে
বাপো মাও কি কাৰণ
বেচেয়া খাইল মোক আকাৰণ
বেচেয়া খাইল মোক মদকিয়াৰ ঘৰে
মোৰ জান কালা ৰে
মদকিয়া মদ খায়, মোৰ পৰাণটা জ্বলিয়া যায়
গোটা ৰাইত মোৰ নিন্দ বিহনে কাটে
মোৰ প্ৰাণ কালা ৰে
ওপাৰে তমবুলেৰ গাছ
ঢলো মলো কৰে পাত
এটা হইল মোৰ বুঢ়া বাবাৰ দেশ
মোৰ জান কালা ৰে
বুঢ়া বাবা কি কাৰণ
বেচেয়া খাইলমোক অকাৰণ
বেচেয়া খাইল মোক গুৱাচাটাৰ ঘৰে
মোৰ জান কালাৰে
গুৱাচাটা গুৱা খায়
মোৰ পৰাণটো জ্বলিয়া যায়
সোণাৰ হাত মোৰ কাটাইৰেতে কাটে
মোৰ জান কাল ৰে
ওপাৰে কামৰাঙ্গা গাছ ঝিকিমিকি কৰে পাত
ঐ টা হইল মোৰ বৰ ভাইয়েৰ দেশ
মোৰ জান কালাৰে
বড় ভাইৰে কি কাৰণ
বেচেয়া খাইল মোক অকাৰণ
বেচেয়া খাইল মোক মদকিয়াৰ ঘৰে
মোৰ জান কালা ৰে।